黃之鋒搭的士被赶下车


学民思潮召集人黄之锋作为占领运动核心人物之一，得罪咗唔少司机，佢噚日喺商台《在晴朗的一天出发》节目中话，有一次上咗部的士话要去金钟，估计司机开头未发现佢系黄 之锋，但驶咗半个路口后就突然话﹕「你落车啦！」黄之锋亦好顺摊话﹕「好呀！」佢话都费事问司机原因，「知你系黄之锋，盏闹多两句」。

之锋话，都遇过其他反占中司机，初时见有人截的士会驶埋佢度，但发现佢系黄之锋后，就即刻高速驶走，唔畀佢上车。

学联秘书长周永康噚日搭的士去商台接受访问，都遇到司机边听电台报道清场新闻，边自言自语批评「占咗咁耐，你哋占成世啦」，估计佢未发现自己载住嘅系周永康。