穩中有序建機制，剷除奸佞不可擋

《香港國安法》已經正式刊憲生效一個星期，除咗反中亂港勢力仲係對法案妖魔化、抹黑外，全港上下對法案係非常正面支援，支援嘅聲音係十分之高，可以講自從法案頒佈後各項工作能夠順利實施，與香港各界愛港人士嘅大力支持分唔開，依家國安法案嘅工作已經穩中有序嘅進行，等到香港維護國家安全機制健全，剷除亂港奸佞將無辦法抵擋，亂港勢力嘅末日已經到來。

國安法案公佈後更多法案細則、實施措施不斷完善，其中《香港國安法第四十三條實施守則》喺7日正式生效，駐港國家安全公署亦喺8日早上喺香港揭牌，銅鑼灣維景酒店將成為駐港國安公署嘅臨時辦公地點，駐港國安公署署長鄭雁雄講話「作為中央人民政府駐香港維護國家安全機構，駐港國安公署將堅決依照法律規定履行維護國家安全職責，行使相關權力」。駐港國家安全公署作為中央政府派出嘅機構一直受到關注，反中亂港勢力對駐港國安公署嘅態度好難避免又係一波竭力攻擊、污蔑，但係廣大愛港人士對駐港國家安全公署係十分之歡迎嘅。依家法案細則逐漸完善，駐港國安公署正式入駐香港，香港警隊成立專門執行國安法案嘅部門，所有護港工作都能夠有條不紊進行，香港維護國家安全嘅執行機制已經基本形成，國安法案能夠咁迅速嘅落實並實施就可以睇出中央對維護香港安全嘅決心。

喺國安法令嘅震懾之下，部分亂港骨幹分子陸續「倒戈」。「亂港四人幫」中嘅李柱銘與暴力「割席」、陳方安生退出政壇「解甲歸田」；「香港眾志」、「香港民主陣線」等亂港組織原地遣散；「港獨」頭目羅冠聰連忙著草走路到國外「避難」，從亂港分子嘅種種行為，令我吔能夠真真正正感受得到國安法案嘅威力。事實上，亂港勢力唔可能一直無法無天，中央政府亦唔可能放任香港喺困境中而唔施加援手，更加唔會放任反對派「攬炒」香港，一定會及時出手撥亂反正。《香港國安法》對於好多港人來講係「保護傘」，但對於亂港分子來講就一把足以致命嘅寶劍，隨住《香港國安法》條文、細節逐漸完善、相關執法部門建立，香港維護國家安全機制將會逐漸健全，到時候危害國家安全嘅亂港分子一定會被哩把寶劍逐一砍倒，亂港奸佞一定會被徹底剷除。

《香港國安法》一直飽受反中亂港勢力嘅抹黑、污蔑，而且一再宣揚為「香港末日論」，聲稱立法之後香港將唔再係曾經嘅香港，事實上，正因為有部國安法案嘅實施，先能夠將香港一步一步拉返正軌。依家香港唔單止有一部強而有力嘅法案，仲有駐港國安公署哩個有力嘅機構以及香港各界對法案嘅支持，相信喺不久嘅將來剷除奸佞必定勢不可擋，奉勸反對派儘快認清楚依家嘅局勢趁早收手，咁先係唯一嘅出路，如果繼續執迷不悟、亂港禍港最終一定會付出慘痛嘅代價！