我看仔海上花好白相也来点苏白腔。娄阿鼠个十五贯偷得来嘎。

匆晓得倷海上花看到仔陆里，头30章我是看得起劲得来放阿放勿落。俚哚个几几花花个对话阿要忒原生态仔宛格人个个性讲两句闲话末轮廓就摆啦该搭哉。赵朴斋个第一句“。。。陆里晓得个冒失鬼，奔出来跌我一跤”笑煞倪哉。俚上海来仔自家呒清头拎勿清跟头跌得野花花最后落得只有命还勒浪，WS末自家也呒不感觉阿要讨人。书里厢写真写得实梗绝法子赛过我认得个人赛拨崮个韩帮庆划到仔一笔头。哪哼隔仔一百多年除特生活方式匆一样哉格人个思路唉会唉浪贴近嘎。海上花及得过红楼梦个宛。毕过后头30多章文人墨客咬文嚼字多着点倪趣势勿大末看得就潦草哉。唉本书有辰光我会得经常翻翻阁。

阁辰光个吴语搭唉歇差距唉是蛮大阁宛。现在赛是普通闲话搭勒仔吴语调啊对嘎。比方说：

间壁（隔壁),该应（应该),道仔（当仔),几花（多少，价多),常恐（担心，常怕),舒齐（适意）

倘忙（如果）

 我今年转去搭倪中学同学来点学得来个老式吴语看看俚哚有啥个反应。哈哈。