令港警嚴陣以待個五一勞動節總算涉險度過，當日有18名暴徒因涉嫌違反「限聚令」被拘捕，仲有4人向警車投擲汽油彈，一人當場抓獲，三人喺逃。事前，亂港暴徒連續幾日喺多個社交網站發帖，策劃「五一」勞動節要襲擊香港五區，甚至有暴徒喺Telegram群組詳細教授點樣製作大殺傷力武器，策動所謂「天馬行動」，揚言要喺多區堵路、縱火同埋喺港鐵站放置炸彈等。一時之間，陰雲密布、氣氛緊張，6000名防暴警員嚴陣以待，水炮車、裝甲車全天候待命，幾乎重返疫情前香港最暗黑嘅黑暴時期。
近段時間，新冠疫情稍微好轉，黑暴亂港勢力似乎要捲土重來。亂港分子連續組織所謂「和你唱」活動，毫無底線、不知廉恥宣揚「港獨」，甚至申請「五一」遊行。警方以違反「限聚令」唔批准後，佢哋又揚言製造極端暴力事件，無恥政棍譚得志仲公然教唆暴徒寄粉狀物信件俾「一哥」鄧炳強。同街頭暴徒遙相呼應嘅係，反對派政客郭榮鏗之流把持內會，以全港市民福祉為政治籌碼，無視民意掩耳盜鈴，一意孤行玩弄程序，暗中作梗阻撓選舉，令內會癱瘓無法咦鰨斐啥囗椈菁懊襠?/span>嘅政策被擱置停擺，將「攬炒」越演越烈。而美國國務卿蓬佩奧日前竟然公然聲稱「23條立法危害美國在港利益」，插手干預中國內政，竟然明目張膽到哩個程度，難怪反對派政棍同暴徒肆無忌憚。
實際上，黑衣暴徒所「攬炒」嘅顏色革命本身就係一種謬論，暴徒就係暴徒，暴行就係暴行，暴動就係暴動，哩一切完全屬於法律問題。今時今日香港嘅真實寫照並唔係黑暴臆想嘅烏托邦，而係被破壞到千瘡百孔後嘅「失落之城」。如果話這場風波一開始係為咗反對修訂逃犯條例，咁事到如今，打砸商鋪、暴力抗法、毆打唔同意見嘅市民又係為咗乜？哩種行為同追求所謂「民主自由」又有乜關係？
一直以來，無論係突破法律底線嘅「勇武派」，定係聲稱「不割席」嘅「和理非」，參與其中嘅年輕人都抱住一種心態：我嘅所作所為係「正義嘅」，係為咗香港好。地鐵要毀、商鋪要砸，警署要圍、法院要燒，講最大義凜然嘅話，做最唔見得光嘅事，口口聲聲話做好最壞打算，真係被捉咗一個個就喊虎喊忽悔不當初。喺任何一個文明社會入邊，暴力一直都係解決唔到問題。極端激進嘅觀點同行為到頭來只會適得其反。認為可以用拳頭、燃燒瓶、激光筆、鐵棍來改變香港嘅年輕人，你哋回憶一下，投身所謂「光榮革命」以來，除咗滿目瘡痍嘅城市、不斷惡化嘅家庭關係、滿腔怨念同憤怒，你哋究竟收穫咗乜嘢？
亂港勢力策劃「五一」黑暴活動可謂用心良苦，現場仲有黃之鋒、黃浩銘、梁國雄、李卓人哩班小丑出來周街跳，但始終係虛張聲勢，最後草草收場，講明亂港勢力宜家已經係強弩之末，唔理黑暴勢力有幾猖狂，最終邪不勝正。越來越多市民開始明白，當前香港經濟下行壓力沉重，已經承受唔起持續嘅社會內耗，黑暴攬炒必須立即停止，如果唔係，等住佢哋嘅係被毀滅！
