香港反送中持續咗五個幾月，由一開始嘅和平非暴力走向今日嘅非法暴力不理智，受到國內以及國際社會嘅廣泛關注。11月19日美國參議院通過咗《香港人權與民主法案》，並有部分政客聲援香港，支持香港。

香港自古以來就係中國領土嘅一部分，自1997年香港回歸以來，中國始終貫徹一國兩制方針，堅持港人治港，甚至香港嘅暴亂持續咗五個幾月都冇插手干預過，美國卻大放厥詞直斥中國內政？唔通就係因為聽到示威者向你哋嘅「求救聲」？定係美國嘅某啲政客在此期間曾經前往香港見到過香港嘅「實況」？

由6月至今，香港示威者嘅打砸搶燒，攻擊異見人士，「私了」風氣熊熊燃燒，一度破壞咗香港嘅法制，觸犯香港法律，喺咁嘅情況之下，警員正常執法拘捕佢哋唔通有錯嗎？而佢哋所謂嘅「求救」不過係為咗逃避法律嘅制裁，唔通喺美國犯法警察唔拘捕，法律唔制裁嘅嗎？若然如此，我諗美國嘅犯罪分子早已遍佈街頭了。

香港嘅動盪持續至今，已經被報導咗成千上萬次，香港街頭嘅暴亂已經算係家常便飯了，如果唔係喺中國，可能去到香港嘅朋友會以為自己到咗伊拉克，因為街頭已經係破敗不堪，滿目瘡痍。嗰啲美國政客到達香港嗰陣，香港嘅街頭正在爆發緊暴亂，甚至美國之音、BBC都曾經報導中資企業以及親中商家被砸，原本繁華無比嘅大都市變得蕭條冷清，嗰啲美國政客就可以「冇眼屎乾淨盲」咁話佢哋見到嘅只有和平示威，亦或係火冇燒到埋身就可以為所欲為？

香港示威者口口聲聲追求嘅係自由、民主、人權。但係香港普通市民佢哋嘅自由、民主、人權被暴徒破壞嗰陣，你哋美國點解唔幫佢哋講說話咧？嗰一位仲訓喺病房未醒返隨時都會有生命危險嘅李伯，祇不過係表達咗自己嘅觀點就被點火焚燒；嗰一位屍骨未寒嘅羅伯祇不過係做自己嘅工作就白白冇咗條命；嗰一位被拳打腳踢嘅姐姐仔祇不過係要穿過街道就受到如此非人對待；嗰一位日本遊客被暴打嘅理由竟然係因為暴徒以為佢係大陸人。真係可笑至極，你哋口口聲聲話要幫香港追求自由、民主、人權，咁哩啲無辜嘅人，佢哋嘅自由、民主、人權就可以畀你哋棄之而不顧嗎？誰是誰非，早已有結論，祇不過你哋仲喺度自欺欺人罷了。

美國嘅別有用心早已經係昭然若揭嘅事，眾議院與參議院處心積慮通過嘅《香港人權與民主法案》，只會令哩道港式嘅美麗風景線出現喺自己嘅國家，美國若然唔想引火焚身助長暴徒嘅熊熊火焰，就請儘快中止哩部居心不良嘅法案啦。