君領基金婆歡喜，安穩新年數日春。近日，特區政府公布了第五輪「防疫抗疫基金」措施，總額約35.7億港元，大部分資助措施從昨天起已經開始接受申請，並會在農曆新年前後發放。今次基金嘅申領和延長擴大限聚措施同步推出，既係繼續提升本港戰疫水平，建立及完善一套長效抗疫機制嘅需要，亦係幫助受影響行業渡難關，增加香港社會抗疫信心嘅有效舉措。

眾所周知，疫情爆發以來，我哋香港一直堅持「清零」政策，「外防輸入，內防反彈」亦係政府一直以來嘅抗疫基本思路。事實也證明呢個思路係正確嘅，政府採取嘅措施雖時有疏漏，但總體上效果尚可。市民苦苦支撐，為配合防疫付出咗艱苦嘅努力，更是值得尊重。然而，部分人嘅唔自律、不配合卻影響咗整個香港嘅抗疫防疫大局。原本香港疫情已經平穩，通關在即，然而因機組人員違反免檢疫指引而失守，連續八十幾日本地清零紀錄斷纜。繼「望月樓」群組後，近日又新增多個本地感染群組，目前本港Omicron感染個案已經累計破百宗，社區存在多條隱形傳播鏈，第五波疫情已經爆發。咁都再次提醒特區政府同我哋全體市民，防疫措施必須嚴謹、嚴格，不可掉以輕心，否則病毒將捲土重來。目前，防抗疫情仍然是香港嘅「頭等大事」，除了收緊外來人士嘅檢疫要求外，我哋香港本地更要繼續做好「防反彈、防擴散」嘅工作，切實提高疫苗接種率，不要再遲疑。

鑒於當前形勢，特首林鄭月娥果斷宣布，原定1月20日到期嘅一系列限制社交距離措施，包括禁止晚市堂食、關閉表列處所延長14天，直至大年初三；取消大型活動，如年宵花市、美食嘉年華等。過年缺少「年味」尚可忍受，因抗疫需要而暫時關閉嘅15處表列處所，如美容店、酒吧、娛樂場所、補習社以及首當其衝嘅旅遊行業等，則係「年關難過」。 適逢農曆新年臨近，突然收緊社交距離措施，難免令廣大市民感到憂慮。特區政府急民所急，想民所想，迅速推出第五輪抗疫基金逾35億元，為受影響嘅各行各業解決了燃眉之急。

當然，收緊社交距離、擴大「疫苗氣泡」等措施都只能輔助，最根本嘅仲係要提高本港疫苗接種率。數據證明，接種疫苗後，可大大降低感染新冠病毒嘅重症率及死亡率。呼吸系統專科醫生梁子超就指出，「面對第五波疫情，市民應該儘快打針自保，疫情擴散速度，隨時比市民打針更加快。」疫情捲土重來，疫苗和防疫機制係關鍵，政府必須「兩手抓」。當然，防疫唔單係政府嘅責任，亦係每一位市民、全社會嘅共同責任，想要結束呢場「馬拉松式」嘅防疫仗，就需要社會各界齊心協力，配合防疫政策嘅落實，也需要未接種疫苗嘅市民儘快主動接種，為自己及他人嘅健康、為恢復正常生活作出自己嘅貢獻，相信只要每人邁出一小步，那麼對於防疫就會是成功嘅一大步。

十六世紀英國詩人約翰．多恩曾說，「沒有人是一座孤島，可以自全」。病毒係我哋嘅共同敵人，面對呢一波疫情，我哋全體港人必須團結一心，繼續努力，充分利用好「一國兩制」嘅優勢，「外防輸入，內防輸出」，提高疫苗接種率，儘快走出疫情陰霾，回歸正常生活，呢亦係我哋每一名市民嘅新年願望。

香港加油！香港必勝！