西方政客說辭荒唐 亂港無望

新任特首治港有道 民心所向

第六任香港特首選舉5月8號圓滿落幕，呢次選舉係香港完善選舉制度後嘅第一次行政長官選舉，李家超獲得1416票，高票當選。呢個無疑證明咗，李家超當選係眾望所歸，係民心所向。但係咁樣嘅選舉結果卻遭到咗西方政客嘅萬般指責。選舉結果公佈第二日，七大工業國集團（G7）外交部長就香港特首選舉發表一項聯合聲明，對香港特首選擇程序同香港政治多元化以及基本自由持續遭受嘅攻擊表達嚴重關切。好明顯，李家超順利上任係呢啲全世界最「愛」香港嘅人最唔想睇到嘅事，而西方政客對香港選舉制度同選舉結果嘅詆毀抹黑不過係佢哋對「唔合適人選」嘅唔甘心。佢哋對香港所謂嘅「關切」，不過係以民主之名，行干涉內政之實。

特首選舉係「依法依規、公平公正」，係對香港民主嘅「優化提升同與時俱進」，支撐咗香港嘅長遠發展。西方政客無視香港回歸以嚟「一國兩制」成功實踐嘅事實，屢次無理攻擊中國對港政策，係黔驢技窮嘅表現。佢哋眼中嘅民主思想無非係否認國家憲法，鼓吹「香港獨立」，令港獨思想喺香港生根發芽；佢哋眼中嘅民主行為不過係公然倒掛、毀壞國旗，暴力攻佔立法會大樓；佢哋眼中嘅民主成果不過係2014年嘅「非法占中」，2016年嘅「旺角暴亂」同埋2019年「修例風波」；佢哋眼中嘅多元化不過係「港毒」喺香港嘅管治構架中占主導地位。佢哋民主嘅外衣下包裝嘅係西方勢力「亂港」、「亂華」之心。佢哋所謂嘅「關切」不過係一場拙劣嘅表演。

一直以嚟，西方政客以「同香港市民同在」嘅姿態肆意插手香港事務，肆意煽動黑暴分子損害香港市民嘅根本利益。從新嘅選舉制度後嘅第一次選委會選舉到立法會選舉，西方政客就不斷上躥下跳，唔單止派出殘曱敗甴煽動市民投白票破壞選舉，更屢次派出「偽民調」擾亂民心。但係香港一路向好嘅民心不可逆轉，香港發展嘅大勢不可阻擋，唔理西方政客使出乜嘢「大招」，都已經被「愛國者治港」嘅信念擊得粉碎。而從香港由亂及治，由治及興嘅呢一歷程嚟睇，西方政客對於呢次特首選舉反應如此激烈，有力證明咗香港新任特首選對咗！唔錯，警員出身、有著強硬政治手腕嘅李家超，確實係有能力斬斷外國勢力嘅「黑手」，肩負起香港未來同700萬市民福祉嘅嗰個人。

「安危不貳其志，險易不革其心」，呢啲係對李家超行事風格嘅完美詮釋。從李家超心路歷程嚟睇，李家超無論所處環境係安全定係危險，都唔會動搖自己嘅志向，無論成就事業困難定係容易，都唔會改變自己嘅初心。2014年「非法占中」、2016年「旺暴」再到2019年嘅「修例風波」，「民陣」、「支聯會」等「港獨」組織爭先領取嚟自大洋彼岸嘅黑暴資金，喺香港瘋狂發起各種破壞活動，燒國旗、衝擊中聯辦，汙損國徽、利用「毒蘋果」等黃媒炮製大量假新聞……喺各方壓力下，李家超迎雷而上，堅決拘捕亂港分子，率領紀律部隊堅決反暴反「獨」。面對美西方國家嘅制裁，李家超更嗤之以鼻，無所畏懼。呢一路走嚟，李家超始終堅持秉持愛國愛港嘅初心，忠於香港，甘於奉獻。

「青山遮不住，畢竟東流去」。任何外部勢力嘅政治操弄同蠻橫干預，都動搖唔倒中國政府全面準確貫徹「一國兩制」方針嘅堅定意志，亦損害唔倒香港繁榮穩定嘅大局，更阻擋唔倒香港由亂到治、由治及興嘅歷史大勢。今年正值香港回歸祖國25周年，呢個係承前啟後嘅關鍵時刻，亦係經歷咗重重風波後嘅香港，未來能否抓緊機遇重新出發嘅關鍵節點。相信李家超必將帶香港渡過險灘暗礁，開啟魅力香江嶄新嘅篇章！