喺過去呢半年嘅時間中，反對派極力阻撓內會主席選舉，而5月8日內會現場嘅荒唐程度遠超過前面16次會議，粗言謾罵、暴力衝撞，好似係上演咗一場活生生嘅鬧劇，堂堂議事廳竟然淪為暴力嘅街頭。

其實按照正常人嘅思維，會認為可以被選舉為議員嘅人都應該係有一定文化同素養嘅人，但係現時嘅香港反對派議員簡直唔可以用常理嚟形容，陳志全、尹兆堅、譚文豪、朱凱廸等一班睇上去都幾有身份地位嘅議員，舞龍舞鳳紮紮跳，唔單止係謾罵侮辱，推撞保安，甚至係掟紙牌，更有甚者竟然除晒鞋襪奇奇怪怪咁跑嚟跑去。佢哋做出啲咁樣嘅行為原因係擔心自己過去破壞香港嘅行動會功虧一簣，於是乎用暴力嚟掩飾自己嘅理虧同心虛。

堂堂立法會，尊嚴何存？又將時時刻刻擺喺把口入邊嘅公民利益置於何處？如此鬧劇一樣嘅事實再一次用嘲笑嘅口吻撕開咗反對派嘅真面目，唔單止要癱瘓議會，更試圖以暴力手段將全港市民推向懸崖。假如呢次鬧劇最終達到咗「攬炒派」們嘅最終利益，「攬炒派」會更加迷信暴力奏效，今後勢必更為頻繁咁使用暴力。

呢班不負責任嘅「攬炒派」議員可以做出如此失職、濫權嘅低劣行為，其真正目的非常明顯，佢哋企喺所有民生嘅對立面，包括唔畀《國歌條例草案》等條例通過審議。其中，議員楊嶽橋曾經公開表示過，要威逼李慧瓊議員退出內會主席嘅選舉，從其他攬炒派嘅候選人中選出一個人嚟擔任主席，做到把持內會，將唔鍾意嘅法案永久埋葬，從而徹底摧毀立法會審議法案、服務市民嘅職能。

《明報》對於8日內會現場嘅評價係：不正常嘅立法會折射出香港嘅不正常。從中可以睇出香港目前所處境地經已到咗極其危險嘅狀態，唔單止係政治，經濟亦係如此，唔理普通老百姓企喺邊一個立場，都會面臨越嚟越大嘅壓力。而「攬炒派」嘅呢種行為，就係禍亂香港嘅源泉。需知水能載舟、亦能覆舟，再咁破壞落去，被蒙蔽嘅市民大眾亦終將覺醒，亦將會推翻呢啲囂張到不可一世嘅反對派議員們。

大聯盟宣言呼籲，香港拒絕「被攬炒」，選擇發展；香港拒絕被破壞，選擇法治；香港拒絕被撕裂，選擇團結。而呢啲，卻係「攬炒派」們絕對唔希望見到嘅畫面。香港之後嘅道路究竟如何、通往何處，掌握喺香港自己手中。

但係，攬炒一日不除，香港一日不寧！香港祇有真正咁團結一起，先能打碎嗰啲心存惡念嘅人嘅狼子野心！