因為蘇師奶嘅舉動，“超記茶餐廳”裡面嘅話題起咗變化。許先生望住奪門而出嘅蘇師奶，斜陽令佢嘅背影籠罩喺一片光暈之中，好虛幻。
徐先生細細聲咁話：“蘇師奶真係感情豐富噃！”
“飛機頭”接口話：“何止感情豐富呀，直頭係光榔樹一條心添！”。
許先生唔係好明咁望住佢，“飛機頭”向住超老闆撇下個咀咁講：“問佢啦，呢件事佢最清楚。”

超老闆接過話頭：呢個蘇師奶原嚟住喺我隔離，阿生就住我哋屋企斜對過，我哋三個自細喺呢條街長大。佢叫做阿蓮，細過我同阿生。佢有個阿哥大佢好多，長年跟住佢哋老竇走南洋條水做生意，屋企得個老母同佢兩個人。屋企冇人同佢玩，佢就成日纏住我同阿生，我哋去邊佢都跟住。初頭有啲男仔嫌佢阻手阻腳，唔中意帶住佢玩，唯獨阿生處處維護佢。其實佢份人溫柔又細心，次次我哋同隔離街啲靚仔斗波，佢都會喺傍邊看住我哋啲衣物玩具。對阿生，佢簡直係崇拜到不得了。有一次阿生執咗兩嚿木頭，做咗個筆盒畀佢，佢好開心，個筆盒佢由小學一直用到中學。我哋笑佢係阿生嘅“心抱仔”。佢聽咗塊面紅曬，笑眯眯咁話“邊度係呢，我當生哥係我大佬。”

話時話啦，阿生對阿蓮又真係十足十大佬咁嘎。記得讀中學嘅時候，有一日隔離街有條友對阿蓮講咗啲唔三唔四嘅說話，撩喊咗佢。阿生知道之後，拉埋我，搵到條友仔，打咗場大交。不過我冇郁手，阿生話兩個打一個唔係君子行為。條友都唔弱嘎，所以場交打得相當猛烈，若果唔係兩邊都有人勸交，怕且會出人命。不過自此以後，阿生更加出名啦，我哋條街啲細路覺得佢有情有義，係我哋嘅榜樣。

阿生結識阿玉之後，大家都睇得出阿蓮有一輪好低沉。不過阿蓮唔係一個心胸狹隘嘅女仔，阿生結婚嘅時候，佢送咗一打手巾仔俾個新娘阿玉。每一條手巾仔上面繡住一對鴛鴦，條條唔同樣。阿蓮個老母係出名嘅繡工，阿蓮幼承庭訓，亦都做得一手好針黹。阿生個老母亦都知道阿蓮嘅心事，無奈魚與熊掌不可兼得，唯有默默祝禱阿蓮第日搵到個如意郎君。都唔知係唔係菩薩有靈，過咗唔到一年，阿蓮就嫁咗過舊金山。

講起阿蓮呢頭婚事都有段古。話說舊金山唐人街有一個闊少嚟香港搵老婆，見咗幾個都唔鍾意，準備返美國啦。媒人婆陶三姑愁到頭髮到白，無端端冇咗封大利是噃！呢一日陶三姑又喺度盤算手頭仲有邊個女仔可以介紹俾闊少，忽然見到阿蓮個老母由佢面前行過，三姑諗起阿蓮如今仲係待字閨中，即刻追住阿蓮老母親返屋企。三姑落足咀頭，講得個闊少幾乎係天上有地下無。阿蓮老母將信將疑，就問阿蓮想唔想見一見？阿蓮冇乜所謂咁款，三姑就笑口嘥嘥去安排相親啦。估唔到嗰位蘇少爺一見阿蓮就大嘆相逢恨晚。佢話自己想搵嘅就係呢一類知書識墨嘅傳統中國女性，仲當場應承要買一躉唐樓俾阿蓮做文定。三姑聽見蘇少爺咁講，當堂笑到見牙唔見眼。阿蓮見嗰個男人雖則大過自己十幾歲，畢竟談吐不俗，就應承咗頭親事。蘇少爺即刻叫三姑幫手搵下有冇現成嘅唐樓要賣。三姑一口話有有有，心裏面已經盤算緊點樣撈多一筆。

既然覓得意中人,蘇少爺就唔着急返美國啦。佢日日約埋阿蓮四圍遊玩,等三姑為佢安排嗰份大文定。正如俗語話齋"有錢能使鬼推磨",前後唔到廿日,三姑真係為蘇少爺搵到咗一幢四層嘅唐樓,價錢傾妥,蘇少爺將買賣手續搞掂,屋契寫咗阿蓮個名就一齊去登記結婚,從此阿蓮就變成蘇師奶。不過，蘇師奶喺美國住咗十幾年又返番香港。

初到美國嘅時期，蘇先生個伯爺專門請人同蘇師奶睇相。個相士話蘇師奶生成一副旺夫宜男相，蘇老先生聽得心花怒放，為一對新人搞咗一個盛大嘅婚禮。蘇先生一家喺唐人街有唔少物業同生意，包括洗衣鋪，雜貨鋪，仲有一間大酒樓。蘇先生對阿蓮好好，唔使佢出去做嘢，要佢喺屋企做少奶奶。蘇師奶唔係一個中意食閒飯嘅人，佢就喺屋企繡花。啲刺繡有啲擺喺酒樓嘅廳房，有啲就送俾人。開頭蘇老先生夫婦都好疼惜蘇師奶，但係過咗幾年，蘇師奶都冇為蘇家生落一男半女，蘇老先生多少有啲着急。蘇少爺有四個家姐，男丁就得佢一個。蘇老先生日日望有個孫嚟承繼佢嘅龐大家業。蘇師奶嘅肚皮偏偏唔爭氣，咁多年都冇動靜。翁姑漸漸就有咗心病，言語間時不時都有啲唔妥，到尾後，甚至逼個仔同阿蓮離婚。蘇少爺真係好愛蘇師奶，又唔敢公然同佢伯爺對抗，唯有諗計拖延。面對家庭嘅壓力，蘇少爺選擇借酒澆愁，不知不覺間個肝竟然有事，捱得幾年仲過埋身添。蘇師奶喺舊金山冇法子住落去，就返嚟香港。蘇少爺作為文定嗰躉唐樓，有一層由蘇師奶嘅家人住，三層出租，租金一直由蘇師奶個老母打理。蘇師奶返到香港，聽聞阿生亦都過咗身，阿文年紀細細就做咗孤兒，好傷心,就帶咗啲“手信”去探望阿生個老母同阿文。

聽到呢度，許先生又問啦：“乜阿生咁後生就過咗身咩？”

超老闆停咗一下，接住講落去：阿玉過咗身之後，阿生一直鬱鬱寡歡，船廠份工亦都令佢覺得沉悶。過咗幾年，阿文讀小學嘅時候，佢走咗去行船，開始咗海上漂泊嘅生涯。遼闊嘅大海撫慰咗佢傷痛嘅心情，佢重新開始撰寫粵曲。每到一個港口，佢就收集一啲當地嘅明信片寄返屋企俾阿文，有時仲附帶一啲佢寫嘅新曲。阿文將老竇寄嚟嘅明信片仔細咁收藏好，將啲曲就攞俾舅公搵啲開戲師爺睇。

船員喺唔同嘅航程之間會有啲休息，有時長啲，有時短啲.。不論長短，阿生都儘量返屋企陪下老母同個仔。阿生對個仔講尼羅河上嘅日出日落，講非洲會傳染瘧疾嘅瘧蚊，講白金漢宮衛隊嘅換崗儀式......阿文對老竇所講嘅各國人情風物好感興趣，佢會將老竇所講嘅見聞儘量記低.有時，佢亦都會問下老竇撰曲嘅心得。睇見佢兩父子燈下談心嘅景象，阿生個老母總係低聲讚頌菩薩慈悲。可惜嘅係，老天爺似乎覺得佢哋呢家人受嘅苦難仲唔夠多，隔得一排就要提點下佢哋。

阿生喺南非嘅開普頓行完佢條人生路。嗰一勻，佢落嘅嗰條船要停喺開普敦兩個禮拜。唔當班嘅時候，佢通常都行下街，買啲有特色嘅紀念品同明信片俾個老母同阿文。嗰日挨晚，佢同兩個同事一齊逛街，忽然睇到一個東方女人被兩個番鬼佬打跌喺地，其中一個鬼佬仲想踢個女人。阿生義憤填膺，沖前大嗌一聲要佢哋停手。兩個鬼佬轉身面向阿生，粒聲唔出，兜拳就打。阿生褪後兩步，想話同佢哋理論，點知兩條友冚都唔理，好似兩只蠻牛咁直衝埋阿生度。阿生嘅同事即刻衝上來同阿生一齊對付嗰兩隻鬼。兩個鬼佬牛高馬大，阿生三個體形輸曬，只不過恃住身法靈活，仲頂得兩嘢。點知酒吧裡面忽然又衝出來五六個鬼佬，阿生哋見勢色唔對一路打一路退。呢班鬼睇落打慣交，為首兩個一味纏着阿生唔俾佢甩身。混亂之中阿生被硬嘢嚗親個頭，當堂跌低，一地鮮血，啲鬼佬至停手。當其時警笛大鳴，班鬼霎時間散水。阿生嘅兩個同事跟隨警察返番現場，阿生一路不醒人事咁畀人送咗入醫院，當晚就傷重不治死咗。事後公司向當地警方詢問調查結果，要求嚴懲兇手。當地警方就話由於冇目擊證人，只係一單尋常街頭鬥毆，冇人要對阿生嘅死負責任。

"飛機頭"拍咗一下張台,大聲咁話:"挑! 若果死嘅係鬼佬,佢哋就唔係咁講法啦!"
各位街坊紛紛發表議論,表示贊同.一陣擾攘過後,林伯對超老闆話:"阿超,繼續講埋蘇師奶上契嗰一筆啦."

超老闆將佢把紫砂茶壺遞畀企堂阿福斟水,清咗下喉嚨,接住講落去:話說蘇師奶見到阿生個老母,仲未開口，雙眼首唔先就濕曬.阿生老母見當年嘅妹頭如今生得風姿卓約,自己同個仔共心抱卻係陰陽相隔,不禁悲從中來,揸住蘇師奶對手,泣不成聲.兩人相對無言,喊咗一陣。蘇師奶驚老人家喊得多會傷身，首先收聲轉頭勸慰阿生老母。佢見老人家手邊一堆塑膠花散件，就一手拈起來加工，一路同老人家傾偈。

阿生死嘅時候,阿文啱啱讀完中二.家庭嘅經濟支柱突然間冧咗,呢一老一少嘅生活自不然要適當咁調整下啦.亞嫲認為屋企仲有啲積蓄,阿文至少應該讀完中三.阿文嘅諗法係中三同中二冇乜太大差別,堅持出嚟打工養家.當時"超記"大牌檔已經改為"超記茶餐廳",我就收咗阿文喺茶餐廳度做。佢亞嫲呢就做啲工廠外判嘅工夫,兩婆孫亦都唔愁食用.阿文又係好似佢老竇咁鍾意粵劇,晚黑返到屋企,阿文就攞阿生當年買落嘅留聲機嚟舞,放只粵曲唱碟同阿嫲一齊欣賞.阿嫲最中意嘅粵劇名伶係徐柳仙,尤其係佢嗰隻《再折長亭柳》更加係百聽不厭.阿文同佢阿嫲唔一樣,佢對各派唱腔都感興趣,更着重分析曲譜嘅結構同埋演唱者嘅演譯。充滿傳奇色彩嘅粵劇編劇家"南海十三郎"係佢嘅偶像.對於佢老竇嘅每一份曲稿，阿文都會認真咁揣摩，唔明嘅地方就請教戲行啲老叔父。戲行啲叔父多數都知道阿玉嘅故事，見到阿文咁虛心好學，個個都好樂意指點下佢。阿文怕亞嫲太過操勞，成日叫亞嫲唔好再做啲外判工。佢亞嫲就話喺屋企冇嘢做好悶，個心囉囉攣，不如搵啲嘢做。

蘇師奶手腳麻利,一陣間就將阿文領返嚟畀亞嫲做嘅外判工夫做曬,老太太猛咁話多謝.
蘇師奶將所有做妥嘅塑料花執拾好,握住老太太對手話:"伯有,咁多年嚟我都有一個心願,想認您做我契媽,您應承嗎?"
老太太霎時間講唔出嘢,俾蘇師奶揸住嘅雙手震咗一輪至開聲:
"阿蓮,我知道你一片好心,可憐我呢個老人同阿文.但係,你父母同大哥會點諗呢?"
蘇師奶話:"我屋企人點樣品性您又唔係唔知,佢哋梗係唔會反對啦.再講呀,自細您就對我好似女咁,生哥亦都一向待我好似佢個妹,而家生哥唔喺度,咪由我來照顧您同文仔啦."

蘇師奶請人揀咗個吉日行禮上契,仲喺酒樓擺咗幾圍請啲街坊.從此阿生老母就多咗個契女,阿文就叫蘇師奶做姑姐啦.

官話版

因為蘇師奶的舉動，“超記茶餐廳”里的話題起了變化。許先生望着奪門而出的蘇師奶，斜陽使她的背影籠在一片光暈之中，很虛幻。
徐先生喃喃地說：“蘇師奶真是感情豐富啊！”
“飛機頭”接口說：“何止感情豐富，簡直是光榔樹一條心呢！”。
許先生不解地望着他，“飛機頭”把咀撇向超老闆說：“問他吧，這件事他最清楚。”

超老闆接過話頭說：這個蘇師奶原來住我們家隔壁，阿生住我們家斜對過，我們三個一起在這條街長大。她的小名叫阿蓮，比我和阿生都小。她有一個比她大很多的哥哥，常年跟着他們的父親到南洋跑生意，家裡只有母親和她兩個人。家裡沒人跟她玩，她就老纏住我和阿生，我們上哪玩她都跟着。一開始有些男孩嫌她礙手礙腳，不願帶着她玩，阿生卻處處護着她。其實她人很溫柔又細心，每次我們和其他街區的孩子們比賽踢足球，她都會在邊上看管着我們的衣物玩具。對於阿生，她簡直是崇拜的不得了。有一次阿生撿了兩塊木頭，給她做了一個筆盒，她高興得很，就那小筆盒她從小學一直用到中學。我們取笑她，說她是阿生的“小媳婦”。她聽了小臉漲紅，笑眯眯地說“哪裡的事，我當生哥是我大佬。”要說阿生對她也真像個大佬。記得念中學的時候，有一天鄰街的一個臭小子對她說了些不三不四的話，把她惹哭了。阿生知道之後，拉上我，找到那臭小子，揍了他一頓。不過我沒動手，阿生說兩個打一個不是君子行為。對方也不是省油的燈，所以那一架打得相當猛烈，若不是兩邊都有人相勸，恐怕會出人命。不過經過那一戰，阿生更出名了，我們街上的小孩都覺得他有情有義，是我們的榜樣。

阿生結識了阿玉之後，大家都看得出來阿蓮有一陣子很低沉。不過阿蓮不是一個心胸狹隘的女子，阿生結婚的時候，她給新娘子阿玉送了一打手帕，每一條手帕上面繡着一對鴛鴦，十二條手帕上的鴛鴦都不重樣。阿蓮的母親是出名的繡工，阿蓮幼承庭訓，所以也做得一手好針黹。阿生的母親也知道阿蓮的心事，無奈魚與熊掌不可兼得，只好暗暗祝禱阿蓮他日能找到個如意郎君。也不知是否菩薩顯靈，過了不到一年，阿蓮就嫁到了舊金山。

說起阿蓮這段姻緣也還有些戲劇性。話說舊金山唐人街有一位闊少來香港相親，見了幾個都不合意，正準備回美國。媒婆陶三姑愁得不得了，這可是白白放走了一封大紅包啊！這一天陶三姑又在盤算手頭有哪個姑娘可以介紹給闊少，忽然看到阿蓮的母親從她面前走過，三姑想起阿蓮如今還是待字閨中，馬上追着阿蓮的母親回家.三姑鼓動她那三寸不爛之舌，把那位闊少說得幾乎是天上有地下無。阿蓮的母親將信將疑，就問阿蓮要不要見上一見？阿蓮一副無可無不可的樣子，三姑就喜滋滋的去安排相親。沒承想那位蘇少爺一見阿蓮就大嘆相見恨晚。他說自己想找的就是這樣一個知書識墨又擅長女紅的傳統中國女性，並當場許諾要買下一幢唐樓給阿蓮做納聘之禮。三姑在旁一聽，舌頭一伸，半天縮不進去。阿蓮見那人雖然比自己大了十多歲，畢竟談吐不俗，也就答應了下來。闊少馬上叫三姑幫忙了解是否有現成的唐樓要出售，三姑滿口說有有有，心裡已經盤算着如何在這樁買賣上再賺一筆。

既然覓得意中人,蘇少爺也就不急着回美國了.每天約了阿蓮到處遊玩,等候三姑為他安排那份聘禮.正如俗語所說"有錢能使鬼推磨",前後不到二十天,三姑真的為闊少找到了一幢四層的唐樓,價錢談妥,闊少把買賣手續辦妥,在房契寫上阿蓮的名字就一起去登記結婚,從此阿蓮就變成了蘇師奶.不過，蘇師奶在美國住了十多年又回到了香港。

剛到美國的時候，蘇先生的父親專門請人給蘇師奶看了相。那相士說蘇師奶生就一副旺夫宜男相，把蘇老先生說的心花怒放，為一對新人辦了一個盛大的婚禮。蘇先生一家在唐人街有不少物業和買賣，包括洗衣店，雜貨店，還有一家大酒樓。蘇先生對她很好，不讓她出去工作，要她在家裡做少奶奶。蘇師奶卻不是一個喜歡吃閒飯的人，她就在家裡刺繡。繡件有些擺放到酒樓的廳房裡，有些就送人。開始的時候蘇老先生夫婦對蘇師奶也很疼愛。可是幾年過去了，蘇師奶並沒有為蘇家生下一男半女，蘇老先生不免有些着急。蘇少爺有四個姐姐，男丁卻只得他一個。蘇老先生每天盼望着能有個孫兒來繼承他的龐大家業.蘇師奶的肚皮卻不爭氣，這麼些年都沒有動靜。翁姑漸漸的就有了心病，言語間也就流露出不滿，到了最後，甚至逼迫兒子與她離婚。蘇少爺真的很愛蘇師奶，卻又不敢公然與父親對抗，就想方設法的拖延。面對家庭的壓力，蘇少爺選擇借酒澆愁，不知不覺間竟得了肝病，過了幾年就去世了。蘇師奶在舊金山住不下去，就回了香港。蘇少爺作為聘禮的那幢唐樓，有一層由蘇師奶的家人住着，三層出租，租金一直由蘇師奶的母親管理。蘇師奶回到香港，知道阿生也已經去世，阿文小小年紀就成了孤兒，心裡很難過,就帶了一些“手信”去看望阿生的母親和阿文。

聽到這裡，許先生又問了：“那時候阿生也去世了嗎？”

超老闆停了一下，接着說下去：阿玉去世之後，阿生一直鬱鬱寡歡，船廠里的工作也讓他覺得沉悶。過了幾年，阿文上小學的時候，他上了船，開始了海上漂泊的生涯。遼闊的大海撫慰了他傷痛的心情，他重新開始撰寫粵曲。每到一個港口，他就收集一些當地的明信片寄回家給阿文，有時還附上一些他新寫的曲子。阿文把父親寄來的明信片仔細地收藏好，把曲子拿給舅公找開戲師爺看。

海員在不同的航程之間會有一些或長或短的休息。不管休假長或短，有可能的話，阿生都會回到家裡陪陪老母親和兒子。阿生對兒子講尼羅河上的日出日落，講非洲會傳染瘧疾的瘧蚊，講白金漢宮衛隊的換崗儀式......阿文對父親所講的各國人情風物很感興趣，他會把父親所講的見聞儘量記下來.有時，他也會問問父親撰寫曲子的心得。看着父子倆燈下談心的景象，阿生的母親總是低聲讚頌菩薩慈悲。可惜的是，老天爺似乎覺得他們這家人受的苦難還不夠，隔上一段時間就要給他們提個醒。

阿生的生命旅程在南非的開普頓結束。那一次，他下的那條船要在開普敦停留兩周。不當班的時候，他如常的上街給母親和阿文買一些有特色的紀念品和明信片。一天傍晚，他和兩個同事一起逛街，忽然看到一個東方女子被兩個洋人打倒在地上，其中一個洋人還舉腳要踢那女子。阿生義憤填膺，沖前大喝一聲要他們停手。兩個洋人轉身面向阿生，二話不說，揮拳就打。阿生退後兩步，想要和他們理論，他們卻毫不理會，向兩頭瘋了的公牛直衝向阿生。阿生的同伴馬上衝上來和阿生一起對付那兩個洋人。那兩個洋人牛高馬大，阿生三人在體形上落了下風，只不過仗着身法靈活，還能斗上一斗。誰知道，酒吧里忽然又衝出來五六個洋人，手裡還拿着家什，阿生三人趕緊邊打邊撤。這些洋人看模樣是慣打群架的主，為首的兩個只纏着阿生不讓他脫身，混亂中阿生被硬物擊中了頭部，當場倒地，洋人們這才停了手。這時警笛大鳴，洋人們呼嘯一聲散去。阿生的兩個同伴隨着警察返回現場，阿生在昏迷狀態中被送到了醫院，當天晚上就傷重不治去世了。事後公司向當地警方詢問調查結果，要求嚴懲兇手。當地警方卻說由於沒有目擊證人，只是一起尋常街頭鬥毆，沒有人要對阿生的死亡負責。

"飛機頭"拍了一下桌子,高聲說道:"操!要是死的是洋人,他們就不是這樣的說法了!"
各位街坊紛紛發表議論,表示贊同.一陣擾攘過後,林伯對超老闆說:"阿超,繼續說蘇師奶認乾親那一段吧."

超老闆把他的紫砂茶壺遞給堂倌阿福續水,清了一下喉嚨,接着說下去:話說蘇師奶見了阿生的老母親,還沒張口,兩眼先就滿含着淚水.阿生的母親看着當年的小姑娘如今長得風姿卓約,自己與兒子媳婦卻是陰陽相隔,不禁悲從中來,握着蘇師奶的雙手,泣不成聲.兩人相對無言,哭了一陣.蘇師奶看老太太手邊一堆塑膠花的散件，就一邊拿起來加工，一邊和老太太說話。

阿生死的時候,阿文剛剛念完中學二年級.家庭的經濟支柱訇然傾倒,這一老一少不得不把他們的生活作適當的調整.祖母認為家裡還有一點積蓄,阿文至少應該把中三念完.阿文的想法卻是中三和中二沒有太大的差別,堅持輟學打工養家.當時"超記"大牌檔已經改成了"超記茶餐廳",我就收下了阿文在茶餐廳里工作,他的祖母就做一些工廠外發的工作,祖孫倆倒也不愁吃穿.阿文也像他的父親一樣酷愛粵劇,晚上回到家裡,阿文就擺弄父親當年買下的留聲機,放上粵曲唱片和祖母一起欣賞.祖母最喜歡的粵劇名伶是徐柳仙,尤其是她的<再折長亭柳>更是百聽不厭.阿文和祖母不同,他對各派唱腔都感興趣,更着重於分析曲譜的結構和演唱者的演繹.充滿傳奇色彩的粵劇編劇家"南海十三郎"是他的偶像.對於父親的每一份曲稿，阿文都會認真的揣摩，不懂的地方就請教戲行的前輩。戲行里的前輩大都知道阿玉的故事，看到阿文如此虛心好學，也很樂意指點一二。阿文怕祖母太辛勞，常常叫祖母不要再做外發工。祖母卻說在家裡閒着沒事幹，心裡空落落，還不如給自己找點事做。

蘇師奶手腳利索,不一會就把阿文給祖母領回家的加工活幹完了,老太太連連道謝.
蘇師奶把所有加工好的塑料花歸置好,握着老太太的雙手說:"伯母,多年以來我都有一個心願,想要認您做我的乾媽,您答應嗎?"
老太太一時間說不出話來,被蘇師奶握着的雙手抖了好一陣才說:"阿蓮,我知道你是好心,可憐我這個老人和阿文.但是,你的父母和大哥會怎樣想呢?"
蘇師奶說:"我的家人怎樣的秉性您又不是不知道,他們自然不會反對.再說了,打小您就對我像女兒一樣,生哥也一向待我如他的妹妹,如今生哥不在了,就由我來照顧您和文仔吧."

蘇師奶請人挑了一個吉日舉行上契的儀式,然後在酒樓宴請了一些街坊作見證.從此就把阿生的老母親叫作乾媽,阿文就叫蘇師奶做姑姑.