妙霞帶住個女離開大宅返香港嗰日驕陽如火，佢就覺得成座大宅散發出陣陣寒意。關於佢返香港長住呢件事，早就徵得老爺奶奶嘅同意。走之前亦向阿榮嘅各房兄長及嬸姆一一話別，只係冇講明邊一日離開，大家心照不宣亦都冇問。離開呢一日佢唔想驚動任何人，特登選喺午飯之後，二娘瞓晏覺嘅時候叫咗架的士將佢哋母女送去碼頭。當的士來到大宅嘅門廊，陪住佢哋母女嘅只有二娘個近身貴嫂。由於大件行李早就託運返香港，所以妙霞手上只得一個手袋。佢由手袋攞出一封信交畀貴嫂，請佢轉交二娘，又將一個利是塞畀貴嫂，多謝佢一向嘅照顧幫忙。貴嫂雙眼含住淚水接過兩樣嘢，粒聲唔出凈係嗑頭，她驚一擘開口自己會喊出嚟。將佢哋送到的士門邊，妙霞個女忽然要貴嫂彎低腰。貴嫂以為佢有私己話要講就彎低腰將隻耳仔嗅過去，妙霞個女喺佢塊面珠躉惜咗一下，講咗聲“拜拜！”至轉身捐入架車度。呢一下整到貴嫂冇法子忍得住標出嚟嘅眼淚水，一手掩住個嘴，一手為佢哋閂埋車門。妙霞喺車裡面向貴嫂揮揮手，再望一眼呢座記錄咗佢同阿榮一齊度過三千幾個日日夜夜嘅大宅，叫司機開車。

妙霞並唔眷戀大宅裡面錦衣玉食嘅生活，令佢放心唔落嘅係二娘，因為阿榮嘅早逝對佢嘅打擊實在好大。俗語話“生娘不及養娘大”，從阿榮三歲開始佢就孭起養育教導阿榮嘅責任，睇住佢健康成長，睇住佢娶妻生女，內心嘅喜悅一日日咁多啲又多啲。估唔到一場車禍使得佢“白頭人送黑頭人”，嗰種悲傷失望係筆墨絕對冇法子可以形容。阿榮過身之後，妙霞儘量俾多啲時間陪伴二娘，佢哋之間嘅感情比以前更親密，多多少少抵消咗二娘嘅喪子之痛。可惜妙霞喺大宅裡面嘅處境逐漸惡劣，最尾都係要選擇離開，留低二娘一個人面對枯寂無助嘅晚年。妙霞於心不忍但又無可奈何！

阿榮過身之後，妙霞漸漸覺得大宅裡面嘅人面口有啲變化。首先係阿榮個大嫂，二嫂，以前佢哋對妙霞一向都係木口木面，而家直情係藐嘴藐舌。跟住落嚟連一啲“見高拜，見低踩”嘅下人亦都當妙霞冇到。由踏入呢座大宅嘅第一日起，妙霞就知道呢度係另外一個小世界，佢需要克服好多磨難至有可能得到其他人嘅認同。好在有阿榮悉心呵護以及二娘嘅地位為佢撐住，佢呢幾年至得以喺呢座大宅有啖安樂茶飯食。而家阿榮呢棵大樹冧咗，二娘亦都老老下唔多理事，佢今後都怕冇乜好日子過咖啦。對於人哋嘅冷眉冷眼妙霞經已係一一忍受，點知人哋係都唔肯放過佢，係都要將佢逼埋牆角。有一次阿榮嗰兩個阿嫂當住佢面話老天爺實在唔公平，佢哋嘅老公為咗公司殫精竭慮，勞心勞力，幾咁艱難。有啲人就乜都唔使做，白食白拎，逍遙快活。妙霞聽咗滿腔委屈，就去請教二娘，話想將阿榮留畀佢啲公司股份退返畀老爺，自己返香港打工，唔使聽埋曬呢啲閒言碎語。二娘勸佢千祈唔好衝動，必須三思而後行。好明顯，有人唔想佢繼續留喺呢座大宅，不過佢哋亦都未話得曬事。所以妙霞應該先用想返外家侍奉父母為理由探下老爺嘅口風。如果老爺唔准，咁就繼續住落去，對嗰啲閒話一概不加理會。即使老爺唔反對佢哋兩母女返香港長住，公司股份亦都萬萬唔退得。因為佢哋兩母女今後重有好長日子要過，呢啲股份係阿榮留畀佢哋嘅些微保障，千祈唔可以為咗爭一口閒氣自動放棄應有嘅權利。妙霞聽咗二娘嘅說話猶如見到指路明燈，借個時機對老爺奶奶講出佢嘅打算。老爺奶奶亦都冇挽留，妙霞母女搬出大宅件事就成咗定局。

妙霞初頭擔心個女搬返香港住會好難適應，估唔到冇幾日個女就同姨仔做咗好朋友，見親姨仔就好似“黐頭芒”咁,開心到不得了。個女喺在澳門自己瞓一間房，搬返香港之後就同妙霞一齊瞓。後來個女話想搬過隔離同姨仔瞓，妙霞問過個妹知佢冇意見。咁佢自己亦都唔反對。

妙霞原來有諗過返到香港之後搵份嘢嚟做，點知要搵份適合自己嘅工作並唔係咁容易。妙霞想搵嘢做並唔係出於經濟嘅考慮。離開大宅之前，老爺好清楚咁話到明：只要妙霞一日唔改嫁就都係佢哋嘅家人，不論佢搬到邊度，佢哋兩母女每個月嘅生活費都會自動劃到妙霞嗰戶口。雖然話生活無憂，只不過日日將個女送咗去返學之後自己無所事事，覺得好無聊。妙霞唯有得閑就去搵佢個老友阿香。

阿香同阿勇結婚之後就冇再唱戲，兩夫妻係西貢萬宜水庫附近租笪地開咗間“野火樂園”，顧客目標係啲希望享受郊外生活又唔想喺山上野營過夜嘅人。佢哋呢座“樂園”座落喺山邊，砌咗十幾個燒烤爐。客人可以自己帶嘢食嚟燒烤野餐，亦可以同佢哋買已經醃製好嘅食物。“樂園”裡面又賣燒烤用嘅炭，鐵叉同埋各類飲品.仲專門有一笪地方搭好曬帳篷出租俾有需要嘅人。不過帳蓬唔多，需要預定。阿勇交遊廣闊，有時又會請一啲有心入演藝行但係又未泊到碼頭嘅後生仔女嚟“樂園”表演。由於經營得法，呢幾年都算得係生意滔滔。

《同樂社》成立之前，“野火樂園”亦曾經請佢哋班成員去演出，大家都玩得好開心。阿勇知道《同樂社》要搵演員，就建議妙霞加入。妙霞有啲猶豫，阿勇就帶佢去蘇師奶屋企識下阿文個舅公同佢啲朋友。參加咗幾次佢哋嘅活動，妙霞覺得可以同佢哋合作，就應承加入《同樂社》。妙霞話曬都係“紅褲仔”出身，加埋喺澳門住嘅時候時常跟住二娘去參加粵劇票友嘅活動，唱功並不弱，因此好快就有一批擁躉。

妙霞識唱唔少曲，譬如獨唱嘅《姑蘇晚詠》，《獨倚望江樓》，對唱嘅《錦江詩侶》都好受歡迎。但係聽眾經常點唱嘅係阿文個先父阿生嘅遺作《里斯本之夜》。《同樂社》表演嘅曲目同其它曲藝社有多少差別，佢哋除咗傳統曲目之外仲有一批阿生嘅作品，呢樣嘢令到《同樂社》顯得與眾不同。阿生生前撰寫過唔少樂曲，一直由阿文保存住。《同樂社》成立之後，舅公就叫阿文將呢啲未曾發表過嘅作品攞出來篩選排練同演出。《里斯本之夜》係阿生眾多作品中比較受歡迎嘅一首。啲人嘅評價係支曲本身就寫得好，妙霞嘅演繹就令到支曲加倍感人。妙霞第一次見《里斯本之夜》嘅曲譜就愛不釋手，大家亦一致認為佢好啱唱呢支曲。妙霞不負眾望，由第一次演唱就令到啲聽眾有深刻嘅印象。妙霞次次唱呢首曲嘅時候眼中都輕泛淚光，而聽眾亦都聽到眼濕濕。妙霞唱呢首曲唔單止感動啲坊眾，連西人都大為讚嘆。

油麻地有一個意大利神父，喺香港住咗廿幾年，粵語講到勒勒聲。佢個名叫做甸奴(Dino),油麻地好多街坊都識佢。有一次佢經過廟街，一條口痕友撩佢。
嗰條友憑喺樓梯口，對神父話：“癲佬神父，耶穌打鳩你啊！”
甸奴神父就停低腳應佢：“係甸奴，唔係癲佬。至緊要嘅，係耶穌打救你，下次記住啦。”

有一勻，甸奴神父有幾個家鄉人嚟香港旅遊，晚飯後神父帶佢哋到廟街呢個“平民夜總會”領略一下“東方之珠”嘅異樣風情。當佢哋逛完“天后廟”，見到冇幾遠處《同樂社》個場前面圍咗一大堆人，佢哋又走過去湊下熱鬧。嗰個時候妙霞咁啱唱到《里斯本之夜》最動人嗰幾句：

里斯本霓虹璀璨，鼓樂喧囂天不夜，
豈能及大澳漁火點點暖人心。

葡萄牙女郎風姿綽約，意態撩人，
更教我思憶嬌妻廣寒宮冷，妝檯獨倚冷淒清。

嘆只嘆身無彩鳳雙飛翼，
恨不能碧海青天兩相親。

妙霞呢頭正話收腔，聽眾紛紛拍手叫好。嗰幾個意大利遊客亦大聲嗌“Bravo ! Bravo !”
妙霞演唱嘅時候，甸奴神父一直細細聲同啲鄉里翻譯曲詞，佢哋理解支曲嘅內容，更被妙霞嘅演唱所感動。其中一位老太太忍唔住行咗入個場揸住妙霞雙手講咗一大輪嘢。妙霞不明所以，神父就向佢解釋。原來老太太讚妙霞唱得好動人，簡直可以媲美唐尼采蒂嘅 Oh, giusto cielo。老太太仲由手袋攞咗幾張一百文大紙塞畀妙霞，妙霞滿面通紅猛話唔使，神父喺旁邊叫妙霞即管收咗佢。妙霞就拉住老太太，將啲錢擺落支咪前面個點唱箱裡面。點唱箱裡面原來有抓“青蟹”，加埋呢幾張“紅衫魚”就零舍養眼啦。

阿文對佢老竇嘅所有作品都好熟悉，每次演出佢老竇啲曲都令佢覺得對老竇多咗一分了解。聽到有人將老竇嘅作品同名家相提並論佢覺得好開心。佢知道唐尼采蒂係意大利一位作曲家，寫咗唔少歌劇，但係自己並冇接觸過。老太太所講嘅曲佢自然唔會識，唯有請甸奴神父將支曲嘅名寫低。第二日，佢就去向“阿二”請教。

“阿二”喺廟街一幢唐樓嘅二樓開咗一間鋪賣二手唱碟，喺港島灣仔開咗一間鋪賣音響器材。佢係一個音響發燒友，追求音響設備嘅完美配搭簡直到咗吹毛求疵嘅地步，又有好豐富嘅經驗。故此，佢喺音響雜誌嘅專欄文章有好多發燒友追捧。但係，佢同嗰啲單純欣賞音色，對音樂作品整體內容不屑一顧嘅人又有所不同。嗰一類發燒友往往將音樂作品作為佢哋測試音響器材嘅媒介，呢一隻碟淨係聽一段小號嘅爆棚高音；嗰一隻碟就淨係聽低音大提琴嗰幾粒勁低音。而佢對音樂作品嘅理解同樣有獨到之見。所以，佢寫嘅樂評亦都好有水準。見到阿文攞首意大利歌劇詠嘆調嚟問佢，佢覺得好有趣。
佢問阿文：“你乜嘢時候開始對番鬼佬大戲有興趣嘎？”
阿文將隔晚發生件事原原本本咁話咗俾“阿二”聽，“阿二”聽咗又連聲話有趣。跟住佢叫阿文方便嘅時候將《里斯本之夜》借畀佢睇下，阿文話沒問題。

“阿二”搵到一張唱片放畀阿文聽，阿文當然聽唔明。“阿二”就解釋畀佢知，呢支曲係歌劇《拉莫美爾的露琪亞》裡面一首著名嘅詠嘆調，咁佢又搵咗份歌詞嘅中譯本畀阿文，再放一次隻曲佢聽。阿文聽完之後想話買嗰張唱片，“阿二”話呢張唱片係由著名女高音瑪莉亞·卡拉斯演唱嘅歌劇詠嘆調，係佢自己嘅珍藏，唔會賣。但係就應承會將卡拉斯唱嘅呢首曲連同其它著名西洋歌劇選段翻錄成錄音帶送畀阿文。嗰一晚，阿文將〈里斯本之夜〉嘅曲譜送到“阿二”間鋪 。隔咗幾日，阿文亦都收到“阿二”專門為佢製作嘅錄音帶。從此阿文喺屋企唔止聽粵曲同歐西流行曲，有時都會聽下“番鬼佬大戲”。

官話版

妙霞帶着女兒離開大宅返回香港的那天驕陽如火，她卻感到整座大宅散發出陣陣的寒意。關於她回香港常住一事，早就徵得老爺奶奶的同意。走之前也已經向阿榮的各房兄長和妯娌們一一道別，只是沒有說明離開的準確日期，大家心照不宣也都沒有問。離去的這一天她不想驚動任何人，特意選在午飯之後，二娘午睡的時候叫了一輛出租車把她們母女送去碼頭。當出租車來到大宅的門廊，陪着他們母女的只有二娘的近身女傭貴嫂。由於大件行李早已託運回香港，所以妙霞手上只提了一個坤包。她從包里取出一個信封交給貴嫂，請她轉交給二娘，又把一個紅包塞給貴嫂，謝謝她一向的照顧幫忙。貴嫂雙眼含着淚水接過兩樣東西，一言不發只是點頭，她怕一張口自己會哭出來。把她們送到出租車的門邊，妙霞的女兒忽然示意貴嫂彎下腰來。貴嫂以為她要說什麼悄悄話就彎了腰把耳朵湊過去，妙霞的女兒在她的臉頰親了一下，說了一聲“拜拜！”才轉身鑽進了車裡。這一下貴嫂再也忍不住奪眶而出的眼淚，一手捂住自己的嘴巴，一手為她們關上車門。妙霞在車內向貴嫂揮揮手，再看一眼這座記錄了她和阿榮一起度過了三千多個日日夜夜的大宅，叫司機開車離去。

妙霞並不眷戀大宅內錦衣玉食的生活，令她放心不下的是二娘，因為阿榮的早逝對她的打擊非常大。俗語說“生娘不及養娘大”，從阿榮三歲開始她就擔負起養育教導的責任，看着他健康成長，看着他娶妻生女，內心的喜悅一天天增長。想不到一場車禍使得“白頭人送黑頭人”，那種悲傷失望沒有任何筆墨可以表達。阿榮去世後，妙霞儘量花多些時間陪伴二娘，她們之間的感情比以前更親密，多多少少抵消了二娘的喪子之痛。可惜妙霞在大宅里的處境日漸惡劣，最終不得不選擇離開，留下二娘一個人面對枯寂無助的晚年。妙霞於心不忍卻又無可奈何！

阿榮去世以後，妙霞漸漸感覺到大宅里的人對她的態度有了變化。首先是阿榮的大嫂，二嫂，從以前一付不冷不熱的嘴臉遞變成徹底的輕蔑與不屑。接下來連一些勢利的下人對妙蓮也輕慢起來。從進入這座大宅的第一天起，妙霞就知道這是另一個小世界，她需要克服很多磨難才能得到別人的認同。是阿榮的悉心呵護以及二娘的地位為她張開了一張大大的保護傘，她這些年才可以在這大宅里過上消消停停的日子。如今阿榮這棵大樹既倒，二娘也垂垂老去，不太管事，她的好日子也就過到頭了。對於別人的冷眼妙霞一一忍受，可是對她的逼迫卻是一浪接一浪。有一次阿榮的兩位嫂嫂當着她的面說老天實在不公平，他們的丈夫為公司殫精竭慮，勞心勞力，日子過得不知有多艱難。有些人卻什麼事都不用干，白吃白喝，逍遙快活。妙霞聽了滿腔委屈，就去向二娘討教，說是想把阿榮留給她的公司股份退回給老爺，自己回香港打工，也省得聽這些閒言碎語。二娘勸她切莫衝動行事，必須三思而後行。很明顯，有些人不想她繼續留在這大宅里，但是他們說了不算。所以妙霞應該先以想回家侍奉父母的理由來試探老爺的口風。若老爺不准，那就繼續住下去，對那些閒話一概不加理會。即使老爺不反對她母女回香港長住，公司股份也萬萬退不得。因為她們母女今後的日子還很長，這是阿榮留給她們的一絲保障，決不能為了爭一口閒氣自動放棄應有的權利。妙霞聽了二娘的話胸中豁然開朗，借個時機對老爺奶奶說了她的打算。老爺奶奶並不挽留，妙霞母女搬出大宅的事就成了定局。

起初，妙霞擔心女兒搬回香港會有很多不適應，想不到沒幾天女兒就和小姨成了好朋友，只要見了小姨就像藤纏樹,開心得不得了。女兒在澳門自己住一間房，搬回香港後與妙霞同住一個房間。後來女兒說想搬過隔壁和小姨一起住，妙霞得知妹妹已經同意，也就不反對。

妙霞原來的設想是回到香港以後找一份工作來干，卻發現適合自己的工作並不好找。妙霞要找工作並不是出於經濟的考慮。離開大宅之前，老爺清楚的表明態度：只要妙霞一天不改嫁就還是他們家的人，不管她搬到哪裡，她們母女倆每月的生活費都會自動劃到妙霞的賬戶。雖然說生活無憂，可每天把女兒送去上學之後自己無所事事，覺得很無聊。妙霞有空就去找他的老朋友阿香。

阿香和阿勇結婚以後也沒再唱戲，夫妻倆在西貢萬宜水庫附近租了一塊地開了一家“野火樂園”，顧客目標是那些希望享受郊外生活又不想在山上野營過夜的人群。他們這座“樂園”座落在山邊，砌得有十幾個燒烤爐。客人可以自帶食物來燒烤野餐，也可以向他們購買已經醃製好的食物。“樂園”里也出售燒烤用的炭和鐵叉以及各類飲料.還專門有一塊地方搭好了營帳出租給有需要的人。不過營帳不多，需要預定。阿勇交遊廣闊，不時請一些有志於演藝事業但還找不到演出機會的年輕人來“樂園”表演。由於經營得法，幾年下來生意滔滔。

《同樂社》成立之前，一干成員也曾經被“野火樂園”邀請去演出，大家都玩得很開心。阿勇知道《同樂社》要找演員，就建議 妙蓮加入。妙蓮有些猶豫，阿勇就帶她到蘇師奶家去認識阿文的舅公和他的朋友。參加了幾次他們的活動，妙蓮覺得和他們可以合作，就答應加入《同樂社》。妙蓮畢竟是科班出身，加上在澳門住的時候常常隨着二娘去參加粵劇票友的活動，唱功並不弱，因此很快就有了一批基本觀眾。

妙蓮能唱的曲子不少，譬如獨唱的《姑蘇晚詠》，《獨倚望江樓》，對唱的《錦江詩侶》都很受歡迎。但是經常被聽眾點唱的是阿文的亡父阿生的遺作《里斯本之夜》。《同樂社》表演的曲目與其它曲藝社有些不同，他們除了傳統的曲目之外還有一批阿生的作品，這一點使《同樂社》顯得與眾不同。阿生生前撰寫過不少樂曲，一直由阿文保存着。《同樂社》成立以後，舅公就叫阿文把這些未經發表的作品拿出來篩選排練和演出。《里斯本之夜》是阿生眾多作品中比較受歡迎的一首。人們的評價是曲子本來就寫得好，妙霞的演繹使曲子加倍的感人。妙霞第一次看到《里斯本之夜》的曲譜就愛不釋手，大家都一致認為她很適合唱這首曲子。妙霞也實在不負眾望，從第一次演唱就給聽眾留下了深刻印象。每次她演唱這首曲子眼中都輕泛淚光，而聽眾也都深受感染。妙霞唱這首曲子不止感動了坊眾，就連洋人也大為讚嘆。

油麻地有一位意大利神父，在香港住了二十多年，說得一口流利的粵語。他的名字是甸奴(Dino),油麻地很多街坊都認識他。有一次他經過廟街，一個閒漢跟他開玩笑。
那個傢伙倚在樓梯口，對神父說：“癲佬神父，耶穌打鳩你啊！”
甸奴神父就停下腳回答他：“是甸奴，不是癲佬。更重要的，是耶穌打救你，下次記住啦。”

那一回，甸奴神父的家鄉有幾個人來香港旅遊，晚飯後神父帶他們到廟街這個“平民夜總會”領略一下“東方之珠”的異樣風情。當他們逛完“天后廟”，注意到不遠處《同樂社》的場子前面圍了一大堆人，他們也走過去湊熱鬧。這時妙霞正唱到《里斯本之夜》最動人的幾句：

里斯本霓虹璀璨，鼓樂喧囂天不夜，
豈能及大澳漁火點點暖人心。

葡萄牙女郎風姿綽約，意態撩人，
更教我思憶嬌妻廣寒宮冷，妝檯獨倚冷淒清。

嘆只嘆身無彩鳳雙飛翼，
恨不能碧海青天兩相親。

妙霞這邊才收腔，聽眾紛紛鼓掌叫好。那幾個意大利遊客也大聲地喊“Bravo ! Bravo !”
妙霞演唱的時候，甸奴神父一直輕聲地為他們翻譯曲詞，他們既理解了曲子的內容，更被妙霞的演唱所感動。其中一位老太太忍不住跨進場子握住妙霞的雙手說了一大串話。妙霞不明所以，神父就向她解釋。原來老太太誇獎妙霞唱得很動人，簡直可以媲美唐尼采蒂的 Oh, giusto cielo。老太太還從手袋裡拿出幾張百元大鈔塞給妙霞，妙霞滿臉通紅推拒，神父在一旁叫她只管收下。妙霞就拉着老太太，把錢放到麥克風前面的點唱箱裡。點唱箱裡原來有一些“青蟹”，加上了這幾張“紅衫魚”顯得格外惹眼。

阿文對父親的作品都很熟悉，每次演出父親的曲子他都覺得對父親多了一分了解。聽到有人將父親的作品和名家相提並論他感到很高興。他知道唐尼采蒂是意大利的一位作曲家，寫了不少歌劇，但自己並沒有接觸過。老太太所說的曲子他自然不會知道，只好請甸奴神父把曲子的名稱寫下來。第二天，他就去向“阿二”請教。

“阿二”在廟街一幢唐樓的二樓開了一家二手唱片店，在港島灣仔開了一家音響店。他是一個音響發燒友，追求音響設備的完美配搭簡直到了吹毛求疵的程度，也有很豐富的經驗。因此，他在音響雜誌的專欄文章被很多發燒友追捧。但是，他與一些單純欣賞音色，對音樂作品整體內容不屑一顧的人又有所不同。那一類發燒友往往把音樂作品作為他們測試音響器材的媒介。而他對音樂作品的理解同樣有獨到之見。所以，他寫的樂評也很有水平。看到阿文拿着一首意大利歌劇詠嘆調來問他，他覺得很有趣。
他問阿文：“你什麼時候開始對番鬼佬大戲有興趣的？”
阿文把頭天晚上發生的事情原原本本地說給他聽，“阿二”聽了又連說有趣。接着叫阿文方便的時候把《里斯本之夜》借他看看，阿文說沒問題。

“阿二”找到一張唱片放給阿文聽，阿文當然聽不懂，“阿二”就解釋給他聽，這是歌劇《拉莫美爾的露琪亞》裡一首著名的詠嘆調，同時把歌詞的中譯本拿給阿文，再放一次。聽完之後，阿文想買那張唱片。“阿二”說那是由著名女高音瑪莉亞·卡拉斯演唱的歌劇詠嘆調，是他自己的珍藏品，不會賣。但是他答應將這首由卡拉斯唱的曲子連同其它著名西洋歌劇選段翻錄成錄音帶送給阿文。當天晚上，阿文把〈里斯本之夜〉曲譜送到“阿二”的店裡。隔了幾天，阿文也收到“阿二”專門為他製作的錄音帶。從此阿文在家裡不止聽粵曲和歐西流行曲，有時也會聽聽“番鬼佬大戲”。