廖恩燾先生於 1922 年曾短暫擔任駐朝鮮領事、駐日本代辦，期間寫了不少描摹日本風情的粵語詩，這裏選了與日本料理有關的《牛鳥料理 四首》。1931 年回國後，重遊廣州期間，又寫了一些關乎世象的粵語詩，選其《廣州即事 四首》。

牛鳥料理 四首

又牛又鳥做招牌，肚餓周時請入嚟。

鑊仔燒紅隨意煮，蛋黃劃爛好聲揩。

豉油滿盌多加料，豆腐成磚當熰齋。

若系怕蔥唔敢食，撥歸橫便咪慌嘥。

好聲 = 仔细 ； 成磚 = 整塊   ； 熰齋 = 煮齋   ； 橫便 = 一邊   ；    嘥 = 浪費

三河屋僅兩層樓，唔賣雞窩凈賣牛。

著塊切嚟真熟落，冚盤捧出重生勾。

坐齊幾只塘邊鶴，走出成班竈窟貓。

斟酒有人唔叫局，不妨傾計把佢兜。

三河屋 = 日本食肆   ； 凈 = 只   ； 著塊 = 一塊塊   ； 熟落 = 熟練   ；

冚盤 = 整盤   ； 重生勾 = 還鮮活   ；塘邊鶴 = 魚塘邊上覓食的鶴，喻食客   ；

竈窟貓 = 竈邊蹲伏的貓，喻食客   ； 叫局 = 招妓陪席   ；  傾計 = 聊天   ；

兜 = 兜搭

揸起壺湯又試添，既然夠味免加鹽。

油開芥末同蔥片，醋碟姜芽似筍尖。

蘿蔔琢勻真幼細，粉絲夾起冇摛粘。

女中巴結嚟幫手，就把前頭筷子拈。

揸起 = 拎起   ； 又試 = 又再   ； 琢勻 = 剁碎   ； 女中 = 女招待   

隔離開嗮幾間廳，飲醉都嚟唱嘢聽。

大碌藕真擡起色，爛沙鑼亦出埋聲。

兩人一碟唔多飽，每客三鍇點算平。

忒落酒杯還食飯，果然食量咁靈擎。

隔離 = 隔壁   ； 大碌藕 = 阔少   ； 擡色 =  飘色，在此喻五花八門   ；

爛沙鑼 = 破鑼嗓子   ； 出埋聲 = 也發聲   ； 忒落 = 放下   ； 靈擎 = 靈驗 

*****************************************

廣州即事 四首

廣州唔到十三年，今再嚟返眼鬼冤，

馬路窿多車打滾，鵝潭水溚Ф等Α�

難民紀念堂中住，闊佬迎賓館裏捐。

酒店老車俱樂部，隔離醮打萬人緣。

眼冤 = 不欲观之   ； 窿多 = 多孔   ； 紀念堂 = 指“中山纪念堂”   ；

迎賓館 = 廣東迎賓館前身，民國時期主要接待軍政要員 ； 捐 = 鑚   ；

隔離 = 隔壁    ； 打醮 = 做法事

泮溪居菜算齊全，塘虱田雞淡水𩽲 。

燒隻肥鵝皮幾脆，炆條爛蟮骨都緜。

荔枝怕食荷包大，班本興聽薛覺先。

戲院打單仲小事，丘爺錯手送盲拳。

幾脆 = 蠻脆 ； 薛覺先 = 粵劇名伶   ； 打單 = 喻票價高；  丘爺 = 兵痞

鹽都賣到咁多錢，點怪鹹龍飛上天。

官府也收來路貨，俟珜＝俾溧l船。

剃刀颳耐門眉爛，賭棍扒多席面穿。

禾米食完麻雀散，留香光塔伴紅棉。

鹹龍 = 港幣   ； 來路貨 = 舶來品    ； 落鄉 = 下鄉 ； 颳耐 = 颳得久

光塔 = 光塔寺

水災聽話要開捐，預備從中揾個錢。

貓麵誰知監佢食，牛皮點肯任人煎。

埋檯照例燒輪炮，入格周時歎口煙。

想咪剩番條鼠尾，汽車胎早喊冷完。

聽話 = 聽說 ； 貓麵 = 冷面孔 ； 監 = 强迫   ； 煎 = 割    ；

埋檯 = 聚合议事 ； 燒輪炮 = 燒一輪檯炮（拍一輪桌）  ；格 = 吸鴉片煙的隔間

喊冷 = 拍賣