《半斤八兩》，小時候聽就覺得香港的市井土話好玩極了。但是現在聽來，真是一把辛酸淚啊！打工仔辛辛苦苦挨世界。

《賣身契》，活着真的不容易啊！你以為出生就好了？生出來就欠一屁股債！最好玩的部分是蘇蝦仔泡妞偷雞不着奉子成婚，被八姑清光家產強要禮金（外母費）。

《佛跳牆》，由福建傳入港粵，在中西飲食文化的匯聚處香港被發揚和普及。市井百態，那幾個豬朋狗友的名字可笑死人了：肥佬黎，倒眼輝，潺仔威，軟腳龜，哈哈哈哈

如果想看當時的原貼，點擊唱片裡的黃色感嘆號既可。

所有和聲是我自己多軌道自和聲。

半斤八兩

作詞：許冠傑
作曲：許冠傑
演唱：修理小子

我哋呢班打工仔　通街走糴直頭系壞腸胃
搵嗰些少到月底點夠洗　(奀過鬼)
確係認真濕滯

最弊波士郁啲發威　(癲過雞)
一味喺處系唔系亂嚟吠　(汪汪汪)
翳親加薪塊面挪起惡睇　(扭嚇計)
你就認真開胃

半斤八兩　做到只積咁嘅樣
半斤八兩　濕水炮仗點會響
半斤八兩　夠姜呀揸鎗走去搶
出咗半斤力　想話攞番足八兩
家陣惡搵食　邊有半斤八兩咁理想　(吹漲)

我哋呢班打工仔　一生一世為錢幣做奴隸
嗰種辛苦折墮講出嚇鬼　(死俾你睇)
咪話冇乜所謂

半斤八兩　就算有福都冇你享
半斤八兩　仲慘過滾水淥豬腸
半斤八兩　雞碎咁多都要啄啄
出咗半斤力　想話攞番足八兩
家陣惡搵食　邊有半斤八兩咁理想　(吹漲)

【自重唱】
我哋呢班打工仔　一生一世為錢幣做奴隸
嗰種辛苦折墮講出嚇鬼　(死俾你睇)
咪話冇乜所謂

===================

賣身契

作詞：許冠傑/黎彼得
作曲：許冠傑
演唱：修理小子

蘇蝦仔未出世，
都去搵玉皇大帝，
聽佢講番Ｄ世俗條例，
嚦起張賣身契，
豈勢咁擰頭擰髻，
好坐低聽孤家講出一切。

喂！我要你架勢，
你梗一家富貴，
我發起啷黎，
會將你墊屍底，
認真巴閉!!

簽番張賣身契(賣身契)，
攪掂筆入境費(仲要洗禮)，
咁蘇蝦仔至准出世!!

蘇蝦仔大個左啦喂，
識拍拖學人地曳，
一次偷雞喊亦無謂，

番香閨論婚禮，
俾八姑窒頭窒勢，
好女婿　呢單認真襟計!!

喂！你咪當免費，
走精面咪制(咪制)，
我聽錢駛，你好挖倉底，
重要三牲酒禮!!

簽番張賣身契(仲要屋契)，
攪掂筆外母費(傑過西米)，
咁蘇蝦仔至准出世。

響北美為生計，
乜野都受人限制，
睇報紙多多制度條例，
加差餉電費水費　
Ｄ'食送'都愈來愈貴，
恩愛夫妻都頂心頂肺。

喂！咪太過閉翳，
訓醫院更貴(太貴)，
養班馬騮仔，
有苦暗啞抵，
仲要交足書簿費!!

一張張賣身契(賣身契)，
枕住咁累你一世(做到甩肺)!
唉！總之一句柯彌吉帝(柯彌柯彌吉帝)!

一張張賣身契(賣身契)，
枕住咁累你一世(做到甩肺)!
唉！總之一句柯彌吉帝啊，前世!!

=============

佛跳牆

作詞：許冠傑/黎彼得
作曲：Blackwell

咁啱又茶樓齊共上，良朋談動向，
花彫“Dep”幾兩，閒來尋樂暢，
叫煲佛跳牆，炆得咁鬼香。

計起就完全唔系貴，翅肚能潤肺，
鮑參炆光雞，髮菜同玉桂，
配料落到齊(落到齊)，認真冇得揮。

肥佬黎，倒眼輝，
潺仔威，軟腳龜，擦啦喂。

夾起連隨搽辣醬，確係怡神顏又養，
一於搵手搶，完全唔異相，
有福大家享(大家享)，駛乜咁緊張。

成班友一味啄，
擒擒青一味啄，唔怕肚漲。

肥佬黎，倒眼輝，
潺仔威，軟腳龜，擦啦喂。

咁啱又茶樓齊共上，良朋談動向，
花彫“Dep”幾兩，閒來尋樂暢，
叫煲佛跳牆(佛跳牆)，炆得咁鬼香。

成班友一味啄，
含含聲一味啄，唔怕肚漲。

佛跳牆，炆得咁鬼香，
見到佛跳牆(佛跳牆)，鬼都要裝香，
正宗佛跳牆(佛跳牆)，炆得咁鬼香，
見到佛跳牆(佛跳牆)，鬼都要裝香，
超級佛跳牆(佛跳牆)，炆得咁鬼香，
見到佛跳牆(佛跳牆)，鬼都要裝香。