我看仔海上花好白相也來點蘇白腔。婁阿鼠個十五貫偷得來嘎。

匆曉得倷海上花看到仔陸里，頭30章我是看得起勁得來放阿放勿落。俚哚個几几花花個對話阿要忒原生態仔宛格人個個性講兩句閒話末輪廓就擺啦該搭哉。趙朴齋個第一句“。。。陸里曉得個冒失鬼，奔出來跌我一跤”笑煞倪哉。俚上海來仔自家嘸清頭拎勿清跟頭跌得野花花最後落得只有命還勒浪，WS末自家也嘸不感覺阿要討人。書裡廂寫真寫得實梗絕法子賽過我認得個人賽撥崮個韓幫慶劃到仔一筆頭。哪哼隔仔一百多年除特生活方式匆一樣哉格人個思路唉會唉浪貼近嘎。海上花及得過紅樓夢個宛。畢過後頭30多章文人墨客咬文嚼字多着點倪趣勢勿大末看得就潦草哉。唉本書有辰光我會得經常翻翻閣。

閣辰光個吳語搭唉歇差距唉是蠻大閣宛。現在賽是普通閒話搭勒仔吳語調啊對嘎。比方說：

間壁（隔壁),該應（應該),道仔（當仔),幾花（多少，價多),常恐（擔心，常怕),舒齊（適意）

倘忙（如果）

 我今年轉去搭倪中學同學來點學得來個老式吳語看看俚哚有啥個反應。哈哈。